Teñen aquí en Holanda unha páxina web que planifica rutas en transporte público. Ainda sen saber dutch podes facerte rápidamente ao programa. Por exemplo si quero ir dende a miña casa ao aeroporto métolle a miña dirección e dun clik presentame todalas posibles combinacións.
Por exemplo: saia as 9,35 da casa, camiñe 7 minutos ata a parada da rua Arboretum. As 9,45 colla o bus da liña 88 ata a estación de tren, onde chegará as 10,12. Colla o tren das 10,17 no peirado 3 dirección Den Heger e descenda as 10,50 en Utrech no peirado 5. Cambie o peirado 7 e colla o tren das 10,55 a Schiphol, onde chegará as 11,20 ao peirado 3. Saia da estación e camiñe 3 minutos o ata o aeroporto.
O sorprendente non éo grado de detalle das explicacións. O que verdadeiramente te deixa pampo é que clavan os tempos. Todo funciona exactamente como di o programa. Todo está perfectamente combinado, sincronizado e puntualizado. Nin un minuto más nin un menos.
Qué país, mi má!!!! Eu nunca imaxinara unha cousa así. Un día fxen 5 transbordos de bus a tren a bus e a tren e mallaron os horarios previstos. Talmente parece máxia.
Lémbrome do omnibus aquel que me levaba de estudante a Compostela. Chovía dentro e os venres sembra ia ateigado de rapazada. Nunha ocasión chemos o sábado pola mañán, pois averiouse na ponte de Arcade e alí quedamos 8 horas pendurados ata que o amañaron.
12 comentarios:
mete medo as distancias percorridas e a infima marxe de erro.
Pois eu lembro unha viaxe Ourense / A Coruña nun autobús que logo de dúas horas fixo unha parada para...xa se sabe. Baixei e fun ao bar seguindo ao resto dos pasaxeiros e preguntei ¿pero onde estamos?...en Melide...aínda faltaba outro tanto para chegar á Coruña.
Pois é certo que é proberbial a puntualidade, como o eran as aventuras que conta Ana
Pois é certo que é proberbial a puntualidade, como o eran as aventuras que conta Ana
Fun nunha ocasion ata Barcelona en tren,retrasouse vai ti saber canto tempo( a ida e mais a volta)....cando cheguei de volta,fun a atencion ó cliente e esixin que se me devolvesen os cartos polos retrasos,increiblemente...fixéronno,devolvéronme o 50 por cento do billete....
Ó parecer Renfe devolveche o diñeiro se tes mais de media hora de retraso,asi que xa sabes....
bicos mil
;)
Vale, eu mañá vou en tren de Vigo a Santiago. A chegada está prevista as 14,33 h. A ver canto tempo se retrasa.
Na Belgique haino igualmente. O tren tren, ainda fun o outro dia estando en Vigo a Santiago e mellorou. No nadal fun a Ourense e creo que empeorou, pero ai, que fermosura....apertas e grazas polo ollar a un post triste
Resumo a miña experiencia:
As viaxes que fas con RENFE
non teñen máis ca unha pega:
sábese cando se sae,
pero non cando se chega.
E de xeito menos poético e máis marketínico:
"RENFE, nunca viaxarás tanto tempo por tan pouco diñeiro"
E que non podo, eu fun estudiante coruñés en Compostela, viaxante un ano enteiro no Shanghai (Galicia-Barcelona), e necesitaría un tomo da Britannica en branco para contar tanto retraso. Ata chegaron a devolverme diñeiro de tanto que se retrasou unha vez o Shanghai (que xa eran 13 horas chegando en tempo).
Non podo, non, ademáis botaría a chorar. Leo o seu post e paréceme cienciaficción.
O único bo do bus para Compos... é que vas a Compos. Polo demáis, nunca entenderei mellor o que deben sentir as vacas cando van á feira.
pois se un dia queres coñecer o contrario, xa podes ir mercando un billete para a Arxentina.
e falando de puntalidade, eu veño por aquí tódalas noites logo das miñas oracións e non atopo ao Creador, meu deus por que me abandonaches. Orillar orilleime, funme orillandoó...
Pssst,pssst!!!! Sr.Occam...seica montou no tren o 24 de Marzo e inda non chegou????
Onde estaaaaaaass!!!!!!!!
;)
Publicar un comentario